30 desember 2007

Søndagstur med bål og pølser!

I dag var det regn i lufta, desverre, men frisk luft måtte vi uansett ha! Vi laga eit lite bål så Henning fekk spidde seg nokre pølser. It rained today, but we still had to get outside for some fresh air. We made a bonfire, so that Henning could barbecue some sausages.

29 desember 2007

Det snør, det snør........

Endeleg kom snøen! Pappa og Henning har laga denne flotte snømannen, eller snømanndama, som Henning kallar den.

23 desember 2007

Hekla veske i Muskat

I juni hekla eg ei veske til meg sjølv i Pt Sumatra. Sidan svigermora mi likte den så godt, har eg hekla ei til henne som ho skal få i julegåve. Denne gongen har eg hekla i Muskat, og eg synest det blei vel så bra. Ho likar grønt, så eg håper ho blir fornøgd! Veska har vore ferdig lenge, eg har berre ikkje somla meg til å sy på hankane før i kveld. Ute i siste liten som vanleg!

22 desember 2007

Ossetra to dagar før jul!

I dag var mannen min og eg på fjellet. Eg gjekk ikkje heilt opp på setra på grunn av at det var så isete og glatt øvst oppe. Ein ting er å gå opp, men å gå ned igjen når det er sånn er verre, synest eg! Men eg hadde ein fin tur likevel. Eg sendte kameraet mitt med min sprekare halvdel, slik at han kunne ta nokre vinterbilder frå setra, 430 moh.








Sommaren 2006 hadde vi besøk av niesa vår Danielle (21) som bur i Sydney. Ho var i Noreg for fyrste gong og rissa namnet sitt inn i veggen på selet vårt.

21 desember 2007

Tre dagar igjen til jul!

I dag har eg hatt fri frå jobben og har fått gjort litt av kvart heime. Eg har baka Konfektkakene til Marie. Dei blei kjempegode!
Så har eg sydd gardinkapper til to små vindauge i stova, noko som har blitt utsatt i cirka eit år! Eg har også handla MASSE mat til jul og kjøpt denne pocketboka som er bok nr. 1 i ein serie som heilter Landsbyliv. Før las eg alltid på ein eller annan pocketbokserie, men så blei eg lei og har hatt pause frå det i mange år. Men i dag kom eg altså over noko som fanga interessa. Serien handlar om livet i ein engelsk landsby, noko som eg likar både i bokform og på tv! Bøkene og forfattaren er visst svært populære i England!

17 desember 2007

Bursdag i huset!

I dag har nr. 2 bursdag og fyller 17 år! Eg hugsar godt då han blei født, det gjekk nemleg veldig fort og greitt! Guten på 4,5 kilo og 54 cm kom berre ein time etter at eg spaserte inn på fødeavdelinga! No er han ein stor kar på 1,95 meter! I kveld hadde vi berre ei lita feiring saman med dei fire besteforeldrene, men det blir nok meir feiring til helga!
Veret dei siste vekene har vore skiftande. Nokre dagar med kulde, så mildare ver og kulde igjen. Men ingen snø, så det spørst om det blir tur til setra i jula i år og! Desse to bildene er frå søndagsturen i går. Mange grøne innslag i skog og mark! I dag er det kaldare igjen.

Today my second son is 17 years old! We have been celebrating with his four grandparents.

13 desember 2007

Nissetider

Det er travle tider! I dag har minstemann blant anna vore på julemiddag på hotellet saman med barnehagen. Ikkje rart han tok ein tidleg kveld!

Denne nissen søv aldri. Han lyser opp i hagen både dag og natt i desember!

08 desember 2007

Kaffe Fassett

I dag fullførte eg desse strømpene i tynt Regiagarn. Det er Kaffe Fassett som har designa farge og mønster. Det er lenge sidan eg begynte på dette paret (oktober), så eg er ikkje lenger så flittig til å strikke strømper som eg var ei stund.
Today I finished this pair of socks i Regia.

07 desember 2007

Naturen inne og ute

Eg blei inspirert av eit innlegg som Juliann hadde for nokre veker sidan, og kjøpte meg ei kvit julestjerne i går!
Utsikt frå terassedøra ein desemberføremiddag. Det har regna ein god del sidan dette bildet blei tatt for nokre dagar sidan, så no er all snøen/rimen vekk.

29 november 2007

26 Days Until Christmas

Denne koselege nissefamilien blei innkjøpt for mange år sidan. Manglar nissefar, men alle veit jo kor travelt han har det på denne tida! Nissane er frå Fagstrikk, eg kjøpte dei her. Kledene er stort sett ferdig strikka, manglar berre litt montering og toving. Det er merkeleg korleis ting kan bli liggande i årevis, nesten ferdig! No har minstemann fatta interesse for denne familien, så i år må eg prøve å få gjort han ferdig..... I bakgrunnen står den 182 år gamle kista som eg har arva frå farsida. Ho er frå 1825 og rosemalt i eit lokalt mønster.
Eg har ikkje fått strikka noko dei siste vekene, på grunn av rygg og nakke, så eg begynte på eit lite overkommeleg julestitchery i går. Mønsteret har eg hatt eit par år, og eg synest det er kjempefint, spesielt dei applikerte bildene!

26 november 2007

Nålepute

Denne nåleputa blei sydd i all hast på ti minutt, berre for å ha litt fleire modellar til i morgon..... Fekk ideen på nettet ein plass for lenge sidan. Eg brukte ikkje mønster, for det fann eg ikkje før etterpå. Men det finst her. Veldig enkelt!

Eit einsleg hjarte, men ikkje einsamt! / One single heart, but not lonely!

I kveld har eg sydd dette hjartet frå ei Tildabok. Måtte berre teste ut om det kunne vere ei passande oppgåve til tekstilformingstimane på skulen i morgon..... Ikkje så dumt, men eg trur eg må forstørre mønsteret litt. Lurer og på om det blir finare å sy i knappen gjennom hjartet, evnt. lenger oppe? Her er det mange variasjonsmogelegheitar!!

23 november 2007

Kosmetikkpung / Toiletbag

Eg har sydd denne kosmetikkpungen i romantiske stoff. Mønsteret fann eg i Lise Bergene si bok "Vesker og bager, sy dem selv". Eg har gjort to endringar. Botnen fekk eg ikkje fin, så den laga eg litt annleis enn i mønsteret, og så sydde eg på eit band oppe. Delvis av praktiske grunnar og delvis for å skjule enden på glidelåsen som eg ikkje synest blei heilt fin....Dette er første gang eg har brukt glidelås som er kjøpt i metervis. Det fungerte veldig bra! Denne gangen brukte eg overtransportøren då eg sydde i glidelåsen, og det gjekk mykje betre enn sist eg prøvde meg på å sy i glidelås! Både glidelåsen og det blomstrete fløyelsstoffet har eg kjøpt hos Ingun på Primula Design.

I have made a toiletbag in romantic fabrics this week. The pattern is from one of Lise Bergenes great books.

19 november 2007

"hobbyglede"

For ei veke sidan mottok eg denne pakken frå bokklubben "hobbyglede". Det er ein velkomstpakke, og etter størrelsen å dømme, ser det ut til at eg er veldig velkommen tilbake som medlem! I tillegg til tre bøker (den eine kjem seinare), fekk eg julekortpakke, masse utstyr og ei veske med mange lommar til å oppbevare alt! Reine julekvelden!

17 november 2007

Heklekrokar frå Danmark

I går kom det fleire heklekrokar frå BendixGarn i Danmark. Nettbutikken skal avviklast snart, så eg måtte skynde meg å bestille nokre nye super heklekrokar av typen Clover Soft Touch. Eg hadde tre frå før som eg kjøpte i sommar. Tre nye no til berre 125 kr. pluss porto 10,50.
Mannfolka her i huset (alle fem!), synest nok eg er litt rar som driv og fotograferar alt mogeleg (som til dømes heklekrokane mine). I går då eg heldt på å fotograferte heklekrokane mine, kom minstemann med filmen sin som han hadde fått, og forlangte at eg skulle ta bilde av den........

Boks til broderigarnet!

No skal det bli orden på broderigarnet mitt! Eg har endeleg fått kjøpt meg ein boks med små plater i papp til å surre broderigarnet rundt. Det følgde til og med med ei lita sveiv som kan settast opp på boksen. Nummeret på garnet har eg skrive på med tusj på pappbiten. Eg trur dette må vere praktisk og oversikteleg : )

15 november 2007

Kjøkkenklutar

Eg har strikka to kjøkkenklutar etter eit mønster eg såg på ein blogg. La opp 45 masker med dobbel mandarin petit på pinnar nr. 4,5. Strikka ein omgang rett og ein omgang 1r,1vr. Gjentok desse to pinnane til kluten var kvadratisk. Eg brukte to ulike blåfargar til kvar klut, for å få litt ekstra "liv" i dei. Likte denne måten å strikke klutar på, enkelt og raskt.
Kanskje dette blir ei julegåve!? Til ein mann for eksempel :)

09 november 2007

Amy Butler

Desse stoffa kom i posten i går. Eg blei tipsa her ein kveld om at Desirees Lappeteknikk selde ut alle Amy Butler stoffa til 59 kr meteren. Då måtte eg sjølvsagt legge inn ei lita bestilling. Eg trur eg skal bruke desse stoffa til toalettvesker, strikkemapper, vesker og liknande....time will tell!!

03 november 2007

"Soul"

Denne veka har eg strikka hua "Soul" frå Kim Hargreaves. Eg blei inspirert av BenteB sist vinter og kjøpte ein strikke-kit frå England med garn, perler og mønster, og så har det berre blitt liggande. Men no er ho altså ferdig og gitt vekk til mora mi. Garnet er eksklusivt og kjempeherleg! Det gjekk med ca. 75 gram. Pinnar 4 og 4,5. Sjå også Syersken si lyseblå utgave!

30 oktober 2007

Spiderman-teppet er ferdig!

Kven gøymer seg under teppet? Er det Henning!
Spiderman teppet har vore nesten ferdig ei stund. Forrige veke tok eg meg saman og hekla dei "loddrette" svarte stripene og festa trådane. Ein litt redusert Henning (Vi har vore sjuke begge to sidan fredag), var lykkeleg over å kunne ta teppet i bruk.
Teppet har eg hekla i Smart. Eg trur eg har gjort ein feil når det gjeld det svarte nettet. Trur det skulle ha vore hekla berre i fastmasker, slik som eg har gjort heilt innerst i det blå feltet. Men eg blei litt forvirra av det amerikanske mønsteret.......pytt, pytt..

27 oktober 2007

Fleire Calorimetryar

Den siste veka har eg ikkje tatt i ein strikkepinne, utruleg nok! Desse Calorimetryane har vore ferdige ei stund. Det mangla berre å feste trådar og sy i knappar, noko som blei gjort i dag.


24 oktober 2007

Eg har blitt utfordra!

Eg har blitt utfordra av Ronille, og denne utfordringa er på engelsk!
YOUR ROCK STAR NAME: (first pet & current car) = Rossi SaabYOUR GANGSTA NAME: (fav ice cream flavor, favorite cookie = Lemon Chocolate
YOUR “FLY Girl” NAME: (first initial of first name, first three letters of your last name =H :)
YOUR DETECTIVE NAME: (favorite color, favorite animal = Brown SheepYOUR SOAP OPERA NAME: (middle name, city where you were born = Bjørg Eid
YOUR STAR WARS NAME: (the first 3 letters of your last name, first 2 letters of your first = : ) SUPERHERO NAME: (2nd favorite color, favorite drink put “The” first = The Blue FarrisSTRIPPER NAME: (the name of your favorite perfume/cologne, favorite candy = None Daim
WITNESS PROTECTION NAME: (mother’s & father’s middle names =
Ingeborg Arne

Eg utfordrar vidare Lappetausa, Mallemor, Haldis, Husflidtausa og Ingun

19 oktober 2007

Ny bok og to hefter

Eg skulle berre kjøpe nokre knappar til Calorimetryane mine, men kom heim med to strikkehefter, eit frå Dale og eit frå Sandnes. På Notabene fann eg dessutan denne søte strikkeboka med mønster til alt ein baby måtte trenge. Nydeleg bok med tradisjonell og tidlaus stil! Eg har ikkje baby og har ikkje tenkt å få fleire, men denne boka måtte eg berre ha.....




14 oktober 2007

Min første Calorimetry

Det går i småprosjekt for tida. No har eg prøvd dette mønsteret som så mange andre har strikka siste halvåret. Mønsteret er omsatt til norsk på denne bloggen. Calorimetryen var morosamt, lett og raskt å strikke. Strikka i ein tråd tynn alpakka og ein tråd tynt strømpegarn, fleirfarga. Pinnar nr. 3. Sidan eg sjølv ikkje kler hovudplagg, har eg fått Kristine til å stå modell. Som takk skal ho få eit hårband i fargane rosa, lilla og blått, etter eige ynskje. Det er allereie påbegynt! Dette hårbandet er i ein størelse og passar både barn og vaksne. Måten det er strikka på (forkorta rader), gjer at det dannar seg små (men nesten usynlege) hol som kan brukast som knappehol.